မြန်မာနိုင်ငံတွင် နူကလီးယားဓာတ်အားပေးစက်ရုံတည်ဆောက်ရေးနှင့် စစ်တပ်အတွက် ရုရှား လက်နက်ဝယ်ယူမှု များတွင် အောင်သောင်း၏ သားများပိုင် IGE ကုမ္ပဏီ ပါဝင်ပတ်သက် By ရန်ကုန်ခေတ်သစ် - အောင်သောင်းသားတွေ ပိုင်တဲ့ IGE ကုမ္ပဏီဟာ နူကလီးယားဓာတ်အားပေးစက်ရုံ စီမံကိန်းနှင့် ရုရှား လက်နက်ဝယ်ယူရေး ကိစ္စတွေမှာ ပါဝင်ပတ်သက်နေပါတယ်။ - အရင် စစ်ခေါင်းဆောင် သန်းရွှေလက်ထက်က စက်မှု ၁ ဝန်ကြီး ဖြစ်ခဲ့တဲ့ အောင်သောင်းမှာ စစ်တပ်ရေတပ်ဦး စီးချုပ် ဗိုလ်ချုပ်ကြီး မိုးအောင်၊ နေအောင်၊ ပြည်အောင်ဆိုတဲ့ သား၃ဦးရှိပါတယ်။ -သူတို့ဟာ IGE ကုမ္ပဏီ အပါအဝင် စီးပွားရေး လုပ်ငန်းများစွာ ထူထောင်ကာ လုပ်ကိုင် နေကြတာဖြစ်ပါတယ်။ - IGE ကုမ္ပဏီဟာ စစ်တပ်နဲ့ ပတ်သက်တဲ့ စီမံကိန်းတွေအစဉ်အဆက် လုပ်ခွင့်ရရှိခဲ့ပြီး အခုတော့ နူကလီးယား ဓာတ်အား စီမံကိန်းနဲ့ လက်နက်ဝယ်ယူရေးမှာပါ ပါဝင်ပတ်သက်လာတာပါ။ - နူကလီးယားစက်ရုံ စီမံကိန်း တည်ဆောက်ရေး သဘောတူညီ စာချုပ်ရေးထိုးပွဲတွေမှာ IGE ကုမ္ပဏီမှ အမှုဆောင် ဒါရိုက်တာ သဇင် အောင်၊ နှင်းနှင်းအောင်တို့က စစ်ကောင်စီနဲ့အတူ တက်ရောက် ခဲ့ပါတယ်။ နိုဝင်ဘာလအတွင်းကလည်း IGE ကုမ္ပဏီပိုင်ရှင် နေအောင်ဟာ နူကလီးယားဓာတ်အားပေး စက်ရုံကိစ္စတွေ သာမက လက်နက်ဝယ်ယူရေးအတွက် ရုရှားကို သွားခဲ့ပါသေးတယ်။ ရုရှားစစ်တပ်၏ ဒုတိယ ကြည်းတပ်ဦးစီးချုပ်အဖွဲ့ ခရီးစဉ်၊နဲ့ဝန်ကြီးခရီးစဉ်တွေမှာလည်း IGE ကုမ္ပဏီက သွားရောက်တွေ့ဆုံတာ ဧည့်ခံတာ အလွတ်သဘောတွေ့ဆုံမှုတွေလည်း လုပ်ဆောင်ခဲ့ပါတယ်။